Teri Chaukhat Pe Mangta Tera Aa Gaya

تری چوکھٹ پہ منگتا ترا آگیا

مری بگڑی بنا دے شہِ دو سرا

میں سراپا خطا تو سراپا عطا

مری بگڑی بنا دے شہِ دو‌‌ سرا

مجھ کمین پہ تو نے یہ احساں کیا

ماہِ رمضان میں اپنا مہماں کیا

یہ ترا ہی کرم ہے تری ہی عطا

مری بگڑی بنا دے شہِ دو سرا

میں تو قابل نہ تھا اے شہِ دو جہاں

مجھ آسی کہاں اور ترا در کہاں

یہ ترا ہی کرم ہے تری ہی عطا

مری بگڑی بنا دے شہِ دو‌ سرا

ترے روضے کا دیدار جس نے کیا

تجھ سے مژدہ شفاعت کا اس نے لیا

میں بھی تو ہو گیا آج حاضر شہا

مری بگڑی بنا دے شہ دو سرا

ترے ہی سر سجا ہے شفاعت کا تاج

لاج والے ترے ہاتھ ہے مری لاج

بخشوانا مجھے بھی بروزِ جزا

مری بگڑی بنا دے شہِ دو‌ سرا

کب پیوں کا میں شربت تری دید کا

رکھ لے رکھ لے بھرم مری امید کا

اِک جھلک ہی دکھا دے خدارا شہا

مری بگڑی بنا دے شہِ دو سرا

اے کسے بےکساں در ترا چھوڑ کر

جھڑکیاں غیر کی کھانے جاؤں کدھر

ترے ٹکروں سے پلتا رہوں میں صدا

مری بگڑی بنا دے شہِ دو سرا

ہے مقدر میں گر لوٹنا اپنے گھر

کاش ہو جاۓ ایسا کہ قلب و جگر

چھوڑ جاۓ ادھر یہ عبیدِ رضآ

مری بگڑی بنا دے شہ دو سرا

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- WhatsApp, Instagram)