Koyi Gul Baqi Rahega..

Koyi Gul Baqi Rahega Na Chaman Reh Jayega

Koi Gul Baki Rahega Na Chaman Reh Jaye ga

Per Rasool Allah ka Deen e Hassan Reh Jaye ga.

Hum Safeero Baag Me Hai Koi Dam Ka Chehchaha

Bulbuleñ Urh Jaye Gi Suna Chaman Reh Jaye ga.

Atlas o Kamkhawab ki Poshak par Nazaa Na Ho Tum

Is Tan e Bai Jaan per Khaki Kafan Reh Jaye ga.

Naam e Shahan e Jahañ Mit jayenge lekin yahañ

Hashar Tak Naam o Nishaan e Panjatan Reh Jaye ga.

Jo Parhega Sahib e Lolaak Ke upar darood

Aag se Mehfuz Us Ka Tan Badan Reh Jaye ga.

Sab Fanaa ho Jaye ga Kafi, wa Lekin Hashar tak

Naa't e Hazrat ka Zubanoñ Per Sukhan Reh jaye ga.

[ Written by Shaheed e Jang e Azadi 1857 – Allama Kifayat Ali Kafi. ]