Kyun Kar Na Mere Dil Me Ho Ulfat Rasool Ki (ﷺ)

کیوں کرنا میرے دل میں ہو الفت رسول ﷺ کی

جنّت میں لے کے جائے گی چاہت رسول ﷺ کی

چلتا ہوں میں بھی قافلے والوں رکو ذرا

ملنے دو بس مجھے بھی اجازت رسول ﷺ کی 

پوچھے جو دین و ایمان نکیرین قبر میں

اس وقت میرے لب پہ ہو مدحت رسول ﷺ کی

تڑپا کے اُن ﷺ کے قدموں میں مجھ کو گرادے شوق

جس وقت ہو لحد میں زیارت رسول ﷺ کی

سرکار ﷺ نے بلا کے مدینہ دکھا دیا

ہو گی مجھے نصیب شفاعت رسول ﷺ کی 

یا رب ﷻ دکھا دے آج کی شب جلوۂ حبیب ﷺ

اک بار تو عطا ہو زیارت رسول ﷺ کی

دامن میں اُن ﷺ کے لے لو پناہ آج منکروں

مہنگی پڑیں گی ورنہ عداوت رسول ﷺ کی

تو ہے غلام اُن ﷺ کا عبیدِ رضا ترے

محشر میں ہو گی ساتھ حمایت رسول ﷺ کی