Jo Ho Chuka Hai Jo Hoga Huzoor Jante Hain ﷺ

 

جو ہو چکا ہے جو ہوگا حضور ﷺ جانتے ہیں

تری عطا سے خدایا حضور ﷺ جانتے ہیں

وہ ﷺ مومنوں کی تو جانوں سے قریب ہوۓ

کہاں نے کس نے پکارا حضور ﷺ جانتے ہیں

ہرن یہ کہنے لگی چھوڑ دے مجھے صیاد 

میں لوٹ آؤں گی وﷲ حضور ﷺ جانتے ہیں

ہرن نے اونٹ نے چڑیوں نے کی یہی فریاد

کہ اُن کے غم میں مداوا حضور ﷺ جانتے ہیں

بلا رہے ہیں نبی ﷺ جا کہ اتنا بول اسے

درخت کیسے چلے گا حضور ﷺ جانتے ہیں

وہابیوں کا عقیدہ وہ غیب دان نہیں

صحابیوں کا عقیدہ حضور ﷺ جانتے ہیں

کہاں مرے گے ابو جہل و عتبہ و شیبہ

کہ جنگِ بدر کا نقشہ حضور ﷺ جانتے ہیں

اسی لئے تو سلایا ہے اپنے پہلو میں

کہ یارِغار کا رتبہ حضور ﷺ جانتے ہیں

عمر نے تن سے جدا کر دیا تھا سر جس کا

وہ اپنا ہے کہ پرایا حضور ﷺ جانتے ہیں

نبی ﷺ کا فیصلہ نہ مان کر وہ جاں سے گیا

مزاج عمر کا ہے کیسا حضور ﷺ جانتے ہیں

وہی ہیں پیکر شرم و حیا و ذوالنورین

مقام ان کی حیا کا حضور ﷺ جانتے ہیں 

وہ خود شہید ہیں بیٹے، نواسے، پوتے شہید 

علی کی شانِ یگانہ حضور ﷺ جانتے ہیں 

ہے جس کے مولا حضور ﷺ اس کے علی مولا

ابوتراب کا رتبہ حضور ﷺ جانتے ہیں

میں ان کی بات کروں یہ کہاں مری اوقات

کہ شانِ فاطمہ زاہرہ حضور ﷺ جانتے ہیں

جناں میں کون ہیں سردار نوجوانوں کے

حسن حسین کے نانا حضور ﷺ جانتے ہیں

نہیں ہے زادِ سفر پاس جن غلاموں کے

انہیں بھی در پہ بلانا حضور ﷺ جانتے ہیں

خدا ہی جانے عبیدٓ اُن ﷺ کو ہے پتا کیا کیا

ہمیں پتا ہے بس اتنا حضور ﷺ جانتے ہیں

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- WhatsApp, Instagram)