Jab Gumbd E Khazra Pe Woh pehli Nazar Gayi

 

جب گنبدِ خضرا پہ وہ پہلی نظر گئی 

آنکھوں کے راستے میرے دل میں اتر گئی

برسی تھی اس قدر کہ نہا سہ گیا ادھر 

وہ بارشِ کرم مرے دامن کو بھر گئی

جو کہ سکا نہ لب سے ملی وہ مراد بھی

مرے سکوت پر بھی شہا کی نظر گئی

مر کر بھی نہ مروں گا میں ﷲ کی قسم

یہ جان ان ﷺ کے ذکر میں میری اگر گئی

دل بھی ہے شاد شاد طبیعت ہے پُر بہار

لگتا ہے آج میری مدینے خبر گئی

طیبہ سے لوٹنا کسی عاشق سے پوچھیے 

ایسا لگے کہ روح بدن سے گزر گئی

آواز *عبید* تیری بفیضانِ نعت ہی

سینوں میں عاشقانِ نبی ﷺ کے اتر گئی

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- Whatsapp, Instagram)