Bheek Ata Aye Nabi Mohtasham Ho (ﷺ)

بھیک عطا اے نبی ﷺ محتشم ہو

میرے  آقا  ﷺ  نگاہِ   کرم   ہو

دید کا ہو طلب گار آقا ﷺ

ہو اگرچہ گناہ گار آقا ﷺ

اک جھلک اپنی سرکار آقا ﷺ

اب دکھا دو نا اک بار آقا ﷺ

اس گناہ گار پر بھی کرم ہو 

میرے  آقا  ﷺ  نگاہِ   کرم   ہو

چھوٹ جائے گناہوں کی عادت

رب کی دل سے کرو میں عبادت

ایسی کر دے تو نظرِ عنایت

بس ترا غم میں ماہِ رسالت

دل تڑپتا رہے آنکھ نم ہو

میرے  آقا  ﷺ  نگاہِ   کرم   ہو

ہیں تمنا مری مرے دلبر

دیکھ لو کاش ہر سال آکر

تری مسجد کے محراب و ممبر 

اور روزے کا پرکیف منظر 

پھر بیان حال با چشمِ نم ہو

میرے  آقا  ﷺ  نگاہِ   کرم   ہو

یاد آتا ہے مجھ کو وہ منظر

جب چلا تھا مدینے سے دلبر 

مضطرب قلب تھا آنکھ تھی تر

اس گھڑی عرض یہ تھی زباں پر

بار بار آؤ ایسا کرم ہو 

میرے  آقا  ﷺ  نگاہِ   کرم   ہو

عرض کرتا عبیدِ رضا ہے

جو ترے در کا ادنیٰ گدا ہے 

مشکلوں میں شہا یہ گھرا ہے

تجھ سے امداد یہ چاہتا ہے 

دور اس کا ہر اک رنج و غم ہو 

میرے  آقا  ﷺ  نگاہِ   کرم   ہو

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- WhatsApp, Instagram)