Aoj Pana Mere Huzoor Ka Hai (ﷺ)

 

اوج پانا مرے حضور ﷺ کا ہے

عرش جانا مرے حضور ﷺ کا ہے 

عرش سے بھی پرے وہ ہو آۓ

آنا جانا مرے حضور ﷺ کا ہے

شادیانے بجے شبِ معراج

آج جانا مرے حضور ﷺ کا ہے

میں ہوں تیار انتظار یہ ہے

کہ کب بلانا مرے حضور ﷺ کا ہے

بیٹھے بیٹھے مدینہ گھوم آۓ

کیا بلانا مرے حضور ﷺ کا ہے

دینے والی ہے ذات ﷲ کی

پر دلانا مرے حضور ﷺ کا ہے

بے زباں بول اٹھے ہتھیلی میں

جب پڑھانا مرے حضور ﷺ کا ہے

چاند کیوں کر نہ ہو گا دو ٹکرے

حکم پانا مرے حضور ﷺ کا ہے

لعل و یا قوت و نیلم و مر جان

ہر خزانہ مرے حضور ﷺ کا ہے

جان بے جاں بدن میں لوٹ آئی

مسکرانا مرے حضور ﷺ کا ہے

دل عبیدِ رضا کا ہے گلشن

دل سجانا مرے حضور ﷺ کا ہے

کاش کہنے لگیں یہ لوگ عبید 

تو دیوانہ مرے حضور ﷺ کا ہے

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- WhatsApp, Instagram)