Akhtar E Millat Chale

رہبر و پیرِ طریقت اخترِ ملّت چلے 

پیکرِ لطف و عنایت اخترِ ملّت چلے 

یادگارِ اعلٰی حضرت اخترِ ملّت چلے 

ہم ہوئے محرومِ نعمت اخترِ ملّت چلے 

 الوداع حامی ۓ سُنّت اخترِ ملّت چلے 

حسرتا ماحی ۓ بدعت اخترِ ملّت چلے 

مصطفٰی ﷺ کی کر کے مدحت اخترِ ملّت چلے 

ڈھا کے باطل پر قیامت اخترِ ملّت چلے 

مُتَّقی و پارسا ڈھونڈیں کہاں ان سا کوئی

وہ وقارِ اہلِ سُنّت اخترِ ملّت چلے 

دیکھ کر حضرت کا چہرہ یاد آتا تھا خدا 

خوبصورت نیک سیرت اخترِ ملّت چلے 

حق و باطل میں تمیز ان کا جنازہ کر گیا 

کس قدر آئی تھی خلقت اخترِ ملّت چلے 

عالمِ روحانیت میں شادمانی کا سماں 

عالمِ فانی پہ رفقت اخترِ ملّت چلے 

آج ہر سُنٌی کا سینہ ہجر میں ہے چاک چاک

آہ دے کر داغِ فرقت اخترِ ملّت چلے

عرش پر دھومیں مچی ہیں مرحبا کی ائے عبید 

فرش ہے غمگیں بہ رحلت اخترِ ملّت چلے

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- WhatsApp, Instagram)