Aa Gaye Muzda Shafa'at Ka Sunane Wale

آگئے مژدہ شفاعت کا سنانے والے

نارِ دوزخ سے غلاموں کو بچانے

تو جلا سکتی نہیں سن لے جہنم ہم کو

ہم تو ہیں جشنِ ولادت کے منانے والے

کر کے احسان جتانا یہ نہیں شان اُنﷺ کی

اور ہی ہوں گے وہ احسان جتانے والے

ہے مقدر میں بلندی ہی بلندی اپنے

ہم تو ہیں قدموں میں سر اُن ﷺ کے جھکانے والے

مر کے پہنچا جو لحد میں تو نکیروں نے کہا

مرحبا نعت شہِ دیں ﷺ کی سنانے والے

کاش سرکار ﷺ سرِ حشر کہیں مجھ سے عبید

آجا دامن میں مری نعت سنانے والے

`•`•`•`•`•`•`•`•`•`•`•`•`•`•`•`•`•`•`•`•`

[Blog :: Mohammed Usman Gani Qureshi]

(Social Media :- WhatsApp, Instagram)