Yeh Raza Ka Chaman

Aaj Ikattha Hai(n) Danish Warane Watan

Ya'ani Ulema Wa Sho'ara E Fikr Aur Fan

Sahibane Sukhan Hasile Anjuman

Nuqta Daan O Fasihane Ahle Sunan

Hai Adeeb O Khateebe Zuban O Sukhan

Yeh Raza Ka Chaman Hai Raza Ka Chaman

Azamate Sidqe Siddiq E Akbar Liye

Adle Farooqe Aazam Ka Mazhqr Liye

Sabre Usmañ Gani Ka Samandar Liye

Partave Daste Baazue Haider Liye

Nik'hate Range Hazrate Hussain O Hassan

Yeh Raza Ka Chaman Hai Raza Ka Chaman

Isme Ajmeri Khwajah Ki Hai Khwajagi

Sayyed Mas'ood Gazi Ka Gulshan Yahi

Yeh Hai Phulwari Ashraf Jahañgir Ki

Range Booe Bareilly Wa Marehrawi

Ispe Saya Figan Panjae Panjatan

Yeh Raza Ka Chaman Hai Raza Ka Chaman

Fazle Haq Khairabadi Ka Isme Usool

Iske Hami Badayuñ Ke Fazle Rasool

Shah Marehrawi Sayyed Aale Rasool

Kar Liya Peer Ne Bhi Raza Ko Qubool

Is Liye Us Pe Naazañ Hai Ahle Sunan

Yeh Raza Ka Chaman Hai Raza Ka Chaman

Mustafa Ke Raza Ki Bahareñ Liye

Lala O Gul Mehekte Lehekte Hue

Jagmagate Charagañ Ka Noor Liye

Noor Hi Noor Hai Jis Taraf Dekhiye

Noor Ki Sham'a Hai Noor Ki Anjuman

Yeh Raza Ka Chaman Hai Raza Ka Chaman

Dekho Ahmed Raza Khañ Ke Neze Ki Maar

Pad Gaya Jisse Aa'da Ke Sine Me Gaar

Hashmati Sher Be Shahe Sunnat Ka Waar

Bach Ke Jaane Na Paye Wahabi Shikar

Zarbe Sadr-Ush-Shriy'ah Hai Batil Shikan

Yeh Raza Ka Chaman Hai Raza Ka Chaman

Iske Rehañ Ki Ajmal Mehek Char Soo

Iske Akhtar Ki Azhar Minash-Shams-Hoo

Ya Ilahi Salamat Rahe Hu - Ba - Hu

Mufti E Aazam E Hind Ki Aabro

Hai Duaon Me Masroof Ahle Sunan

Yeh Raza Ka Chaman Hai Raza Ka Chaman