Tera Andaz Juda Tujh Me Wo Yakta'ee Hai

Badshaho(n) Ne Bhi Kab Aesi Ada Pa'ee Hai
Tera Andaz Juda Tujh Me Wo Yakta'ee Hai

Tumne Girto(n) Ko Uthaya Hai Badi Shafqat Se
Unche Oncho(n) Ne Tere Dar Se Panah Pa'ee Hai

Humko Aaram Ki Aadat Hai Tere Qadmo(n) Me(n)
Tere Hi Dar Pe Hume(n) Cheyn Ki Neend Aa'ee Hai

Tera Chehra Hai Ke Zakhmo(n) Pe Hasee(n) Marham Hai
Muskura De To Mareezo(n) Ne Shifa Pa'ee Hai

Husn Tera Sa Na Dekha Kabhi In Aankho(n) Ne
Kya Tera Husn Hai Kya Khub Jila Pa'ee Hai

Teri Surat Me(n) Ajab Si Hi Kashish Hai Pyare
Dekh Kar Aap Ko Allah Ki Yaad Aa'ee Hai

Nit Naye Fitne Uthe Khub Chale Khub Phire
Dar Pe Jo Aap Ke Aaye To Dafa Pa'ee Hai

Lab Pe Allah To Dil Me Qasad Taibah Ki
Murshidi Aapne Kya Khub Ajal Pa@ee Hai

Akhtare Qadri Kyu(n) Kar Na Chale Jannat Ko
Gauth Ke Aap Jeena(n) Gauth Ki Shaida'ee Hai

Murshida(n) Ab Bhi "Samad" Tere Tere Hi Dar Ka Hai Gulam
Tera Deedar Ata Ho Teri Yaad Aa'ee Hai

••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••


Written By :- Sayyed Abdus Samad Sahab

••••••••••••••••••••••••••••••••••••••••••••••••••••


[ Contact Us :- 9929114267 ]