Muhaddith E Kabeer Hai(n)

Ameere Bazme Ma'rifat Farag E Charkh E Aag Hi

Woh Ek Marde Basafa Woh Ek Momine Jari

Pukar Utha Har Ek Gul Yeh Keh Uthi Har Ek Kali

Bahar E Baag E Amjadi Muhaddith E Kabeer Hai(n)

Ada Ada Me Baakpan Nafas Nafas Me Zindagi

Labo(n) Pe Zikre Mustafa ( ﷺ ) Jabee(n) Pe Naqshe Bandagi

Ba-har Qadam Ba-Har Nafas Khayal E Sunnate Nabi ( ﷺ ) 

Meri Nigah Me Wali Muhaddith E Kabeer Hai(n)

Mizaj Narm Is Qadar Chaman Ho Jese Phool Ka

Magar Usool Ke Liye Himalaya Usool Ka

Jo Koyi Murtakib Hua Ihanate Rasool ( ﷺ )

To Zulfiqare Haidari Muhaddith E Kabeer Hai(n)

Hazaar Hikmate(n) Chupi Hui Hai(n) Baat Baat Me

Tamam Khubiya(n) Simat Gayi Hai(n) Ek Zaat Me(n)

Wohi Hai Karr O Far Har Ek Manzile Hayat Me(n)

Mard E Momin E Jari Muhaddith E Kabeer Hai(n)

Zaba(n) Me Zore Amjadi Qalam Me Quwwat E Raza

Nigah Me(n) Nuqta Been Me(n) Jalwa Baseerate Raza

Baraye Sina-e Adu Ba-Faize Himmate Raza 

Raza Ke Neze Ki Ani Muhaddith E Kabeer Hai(n)

Hai Jis Ke Khauf Se Jahane Najdiyat Dhua(n) Dhua(n)

Dari Huyi Hai Jiski Zau Se Zulmato(n) Ki Aandhiya(n)

Hai Jiske Dam Se Bazme Ilm O Fun Me(n) Noor Ka Sama(n)

Wohi Ziya E Qadri Muhaddith E Kabeer Hai(n)

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•

[ Contact Us :- 9929114267 ]

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•