Manqabat E Tajushshariyah By Aaftab Cassim Sahab

Waah! Kya Husn He

Waah! Kya Husn He, Ay Taaj e Shariah Tera

Dekha Jis Ne Bhi Tujhe, Ho Gaya Shayda Tera

Aala Hazrat Ke Ho Tum, Tum Ho Raza Ke Pyaare,

Ghaus o Khwaja Se, Nabi Tuk, He Ye Rishta Tera

Fakhr e Azhar Hee Nahi, Balke He Tu Fakhre Zamaan

Sayyidi Mufti e Azam, Jo He Naana Tera

Qaadiri Faiz He Jaari, Teri Turbat Pe Shaha

Kabhi Lawta Nahi Khaali, Ko-ee Mangta Tera

Dekh Ke Tal-at e Mawla, Tu Ne Jaan Kar Di Nisaar

Jaan e Aalam Ne Kiya, Qabr Ko Taabaan Tera

Qabr Me Jaate Hee, Karne Lage Hum Sub Pe Karam

Taa Qiyaamat Rahe, Mangto Pe, Ye Saaya Tera

Qutbe Dawraan He Tu Hee, He Tu Zamaane Ka Imaam

He Yahee Qawle Zia, He Yahee Rutbah Tera

Me To Murshid Hee Kahunga, Ke Ho Murshid Ke Habeeb

Yaani Asjad Me, Pidar Me, Nahi Mera Tera

Sulhe-Kulli Ho, Ke Najdi Ho, Ya Minhaji Ho

Khawf Se Bhaag Uthay, Dekh Ke Chehra Tera

Bikte Hain Bik Gaye Bik Jadenge A'da Tere

Na Bika He Na Bikega Kabhi Kut-ta Tera

Dar e Akhtar Ke Jo Sag Hain, Nahi Pyaase Rehte

Unke Haatho Me Bhi He, Ishq Ka Pyaala Tera

Aaftaab e Na-tawaan He Dare Akhtar Ka Gada

Hashr Tuk Mere Galay Me Rahe Pat-ta Tera

Sage Mufti e Azam

Muhammad Afthab Cassim Qaadiri Razvi Noori

[ Contact us :- 9929114267 ]