Kalam E Raza Or Tazmeen ( Maulana Rafeeq Qadri )

Ne'mateñ Baañt Ta

Us Ke Dar Per Koyi Deewana Ya Anjaan Gaya

Koyi Jinnat Gaya Ya Insan Gaya

Uske Altaf O Inayaat Pe Qurban Gaya

Ne'mateñ Baañt Ta Jis Samt Woh Zeeshan Gaya

Sath Hi Munshi E Rehmat Ka Qalam Daan Gaya

Ishq Woh Ishq Jo Sar Mad Bana Mansoor Raha

Lab Haiñ Woh Lab Jo Tere Zikr Se Masroor Raha

Zehen Woh Zehen Tasawwur Se Makhmoor Raha

Dil Hai Woh Dil Jo Teri Yaad Se Ma'moor Raha

Sar Hai Woh Sar Jo Tere Qadmoñ Pe Qurban Gaya

Midhat E Sayyed E Kaunain Hai Fazl O Ikraam

Is Amal Se Mujhe Milta Hai Sukoon O Aaram

Kabhi Socha Hi Nahiñ Hoga Mera Kya Anjaam

Unheñ Jana Unheñ Mana Na Rakha Gair Se Kaam 

Lillahil Hamd Me Duniya Se Musalman Gaya

Jadde Hasnain Nahi Malik E Jannat Na Sahi

Tumko Sarkar Se Ummeed E Shafa'at Na Sahi

Karam O Jood O Sakha Chashm E Nubuwwat Na Sahi

Aur Tum Per Mere Aaqa Ki Inayat Na Sahi

Najdiyoñ Kalma Padhane Ka Bhi Ehsaan Gaya

Haañ Woh Haiñ Sahib E Me'raj Madad Maang Unse

Unke Sar Fazl Ka Hai Taaj Madad Maang Unse

Woh Haiñ Mukhtaar Ae Mohtaaj Madad Maang Unse

Aaj Le Unki Panah Aaj Madad Maang Unse

Ohir Na Manenge Qayamat Me Agar Maan Gaya

Lene Bakhshish Ki Sanad Sab To Madine Pahuñche

Dekhne Jalwa E Khud Sab To Madine Pahuñche

Haaye Shaida Ki Rasad Sab To Madine Pahuñche

Jaan O Dil Hosh O Khirat Sab To Madine Pahuñche 

Tum Nahiñ Chalte Raza Sara To Saaman Gaya

[ Contact Us :- 9929114267 ]