Munawwar Meri Aankhoñ Ko (Tazmeen)

Mere Dil Ki Bhi Hasrat Puri Ae Mere Shaha Kar Deñ

Madine Me Mujhe Do(2) Gaz Zameeñ Aaqa Ata Kar Deñ

Karam Ki Ek Nazar Mujh Per Shahe Kaun O Makañ Kar Deñ

Munawwar Meri Aankhoñ Ko Mere Shamsudduha Kar Deñ

Gamoñ Ki Dhup Me Woh Saya E Zulfe Duta Kar Deñ

Zabañ Bu Jahal Ki Muthi Me Kankar Ko Ata Kar Deñ

Suraqa Ko Zameeñ Pakde Ishara Mustafa Kar Deñ

Hussaiñ Ibn E Ali Fatahe Karbo Bala Kar Deñ

Jahan Bani Ata Kar De Bhari Jqnnat Hiba Kar Deñ

Nabi Mukhtar E Kul Haiñ Jis Ko Jo Chahe Ata Kar Deñ

Ali Ke Waste Sehba Me Suraj Ko Bula Kar Deñ

Janab E Gaus Ko Woh Tajdar E Auliya Kar Deñ

Hukoomat Hind Ki Khwaja Ke Hathoñ Me Ata Kar Dñ

Jahañ Me Unki Chalti Hai Woh Dam Meñ Kya Se Kya Kar Deñ

Zmeeñ Ko Aasmañ Kar Deñ Suraiya Ko Sara Kar Deñ

Badal Sakta Nahiñ Hargiz Umar Jo Faisla Kar Deñ

Jo Na Mane To Uske Sar Ko Wo Tan Se Juda Kar Deñ

Janab E Hazrat E Siddiaue Un Per Sab Fida Kar Deñ

Nabi Se Jo Hai Begana Use Dil Se Juda Kar Deñ

Pidar Madar Biradar Maal O Jañ Un Per Fida Kar Deñ

Mere Taj E Shariyat Ka Himayat Faiz Hai Tujh Per

Shafa'at Khud Karenge Jab Teri wo Shafae Mahshar

Raza Ke Ishq Me Palta Hooñ Phir Kis Baat Ka Ho Dar

Himayat Umr Guzre Mustafa Ki Naat Padh Padh Kar

Mujhe Kya Fikr Ho AKHTAR Mere Yawar Haiñ Woh Yawar

Balaoñ Ko Meri Jo Khud Giriftar E Bala Kar Deñ

•••••••••••••••••••••••••••••••••••••••••••••••••••••

( Zayid Ash'ar )

Bula Kar Deñ Bitha Kar Deñ utha Kar Deñ Ata Kardeñ

Nabi Mukhtar E Kul Haiñ jis Ko Jo Chaheñ Ata Kar Deñ

Tamanna E Dil E Ashraf Bas Itni Hai Sar E Mehshar

Jab Aaqa Jaam E Kauthar Deñ Lab E Aqdas Laga Kar Deñ