Tazmeen E Naseer With Kalam E RAZA

Waah Kya Jood O Karam Hai 

Koyi Duniya E Karam Me Nahiñ Hamta Tera

Ho Jo Hatim Ko Mayassar Wo Nazara Tera

To Keh Uthe Dekh Ke Bakhshish Me Rutba Yera

Waah Kya Jood O Karam Hai Shahe Bataha Tera

Nahiñ Sunta Hi Nahiñ Mangne Wala Tera

Kuch Bashar Hone Ke Nate Tujje Khudsa Jane

Or Kuch Mahaz Payami Hi Khuda Ka Jane

Inki Auqat Hi Kya Hai Ke Ye Itna Jane

Farsh Wale Teri Dhauqat Ka Ulu Kya Jane

Khusrawa Arsh Pe Udta Hai Pharera Tera

Mujhse Nacheez Pe Teri Hai Inayat Kitni

Tune Har Gaam Pe Ki Meri Himayat Kitni

Kya Batauñ Teri Rehmat Me Hai Wus'at Kitni

Ek Maiñ Kya Mere Isyañ Ki Haqiqat Kitni

Mujhse Sau (100) Lakh Ko Kafi Hai Ishara Tera

Kayiñ Pushtoñ Se Gulami Ka Ye Rishta Hai Bahal

Yahiñ Tifli O Jawani Ke Bitae Mah o Saal 

Ab Budhape Me Khudara Hame Yuñ Dar Se Na Taal

Tere Tukdoñ Pe Pale Gair Ki Thokar Pe Na Daal

Jhidkiyañ Khayeñ Kahañ Chod Ke Sadqa Tera

Game Daurañ Se Jo Ghabraiye Kisse Kahiye

Apni Uljhan Kise Batlaiye Kisse Kahiye

Cheer Kar Dil Kise Dikhlaiye Kisse Kahiye

Kiska Muñh Takiye Kahañ Jaiye Kisse Kahiye

Tere Hi Qadmon Pe Mit Jae Ye Pala Tera

Nazre Ushshaq E Nabi ﷺ Hai Ye Tera Harf E Gareeb

Mimbar E Waaz Pe Ladte Raheñ Aapas Me Khateeb

Ye Aqeeda Rahe Allah Kare Mujh Ko Naseeb 

Maiñ To Malik Hi Kahunga Ke Ho Malik Ke Habib

Ya'ni Mehboob O Muhib Me Nqhiñ Mera Tera  : -->(13)

Tujhse Har Chand Wo Haiñ Qadr O Fazail Me Rafee'

Kar NASEER Aaj Magar Fikr E Raza Ki Tausee'

Paas Hai Uske Shafa'at Ka Waseela Bhi Waqee'

Teri Sarkar Me Lata Hai RAZA Usko Shafee'

Jo Mera Gaus Hai Or Ladla Beta Tera