Bayañ Kaise Karuñ

Bayañ Kese Karuñ

Bayañ Kaise Karuñ Kya Shan Mehboob E Khuda Ki Hai

Jise Iyman Kehte Haiñ Muhabbat Mustafa Ki Hai 

Ibadat Kar Ke Bhi Wo Mustaheeq Hai Naare Dozakh Ka

Adawat Jis Kisi Ke Dil Me Shah E Ambiya Ki Hai

Ilahi Us Namaz E Ishq Ka Sadqa Ata Karde

Ali Ne Jo Namaz E Ishq Sehba Me Ada Ki Hai

Bahattar(72) The Magar Fir Bhi Hazaroñ Par Rahe Galib 

Utha Kar Dekhlo Tarikh Ye Karbobala Ki Hai

Qadam Hai Auliya Allah Ki Gardan Pe Jab To Sar 

Kahañ Hoga Samajh Lo Shan Kya Gaus Ul Wara Ki Hai

Koi Kursi Pe Bethe Isse Kya Raja To Khwajah Hai

Hukumat Pure Bharat Me Mere Khwajah Piya Ki Hai

Jahan E Sunniyat Me Gaus O Khwajah Ki Inayat se

Shahanshahi Musallam Aaj Bhi Ahmed Raza Ki Hai

Na Fatwa Me Badal Koi Na Taqwa Me Koi Sani

Hai Ye Ta'rif Kiski Mufti e A'azam Shaha Ki Hai

Lage Jab Basti Basti Qariya Qariya Ka Kahaiñ Na'rah

To Khul Kar Samne Aao Agar Chahat Wafa Ki Hai

Hai Huq Goyi Wa Bebaki Ke Paikar Qayid E Millat

Karam Hai Aâla Hazrat Ka Ata Akhtar Raza Ki Hai

Koyi Nadañ Unheñ Khudsa Kahe Ye Gair Mumkin Hai

Jahan E Ilm Me Shohrat Ziya Ul Mustafa Ki Hai

Gayasuddin Shere Kalpi Ka Hath Mujh Par Hai

Bala Mujhe Ghere Mujhe Itni Kahañ Himmat Bala Ki Hai

Milega Bazme Jannat Me Nabi Ki Na'at Ka Mauqa

WASI Gulzar E Millat Ne Teri Khatir Dua Ki Hai

Written By : Hafiz O Qari Sayyed Abdul Wasi Qadri Barkati Razvi Ureyzi Sahab (Mumbai)