Khayal E Yaar

-: Khayal E Yaar :-

Khayal E Yaar Har Ek Gham Ko Taal Deta Hai

Sukoon Dil Ko Tumhara Jamal Deta Hai

Jo Aaine Ko Bhi Hairat Meñ Daal Deta Hai

Kisi Kisi Ko Khuda Ye Jamal Deta Hai..

Sakhi Ke Dar Pe Talab Ki Kahañ Zaroorat Hai

Talab Se Pehle Hi Wo Jholi Meñ Daal Deta Hai..

Ab Is Se Badh Ke Karam Ki Daleel Kya Hogi

Maiñ Doobta Hooñ Samandar Uchal Deta Hai..

Haseen Mehzabeeñ Sekdoñ Wahañ The Magar

Jise Bhi Dekho Bas Tumhari Misaal Deta Hai 

Talab Kiya Na Kisi Dar Pe Aaj Tak ZAKIR

Hame To Bheek Bhi Haidar Ka Lal Deta Hai

(Qadam Qadam Pe Murshid...)

Qadam Qadam Pe Tumhara Sahara Milta Hai

Jo Ladkhadayeñ Qadam Akhtar Sambhal Leta Hai..

Jo Mushkiloñ Me Pukara Hai Almadad Murshid

Woh Mushkiloñ Se Mujhe Yooñ Nikal Deta Hai

Zamane Bhar Ka Ho Gham Fikr Na Karo AZHAR

Woh Peer Assa Hai Jo Har Gham Ko Taal Deta Hai

Zamane Bhar Ka Ho Gham Fikr Na Karo RAZVI

Woh Peer Assa Hai Jo Har Gham Ko Taal Deta Hai

Khayal E Peer Har Ek Gham Ko Taal Deta Hai

Sukoon Dil Ko Tumhara Jamal Deta Hai

[ Contact Us :- 9929114267 ]